Wednesday, October 27, 2010

ಮಜವಾಗಿತ್ತು ದಸರಾ ರಜ!!!

ಈಗ ಯಾಣ ಪ್ರಯಾಣ ಮುಗೀತು. ನಾನು ಮತ್ತೆ ನನ್ನ ಅಪ್ಪ ಅಮ್ಮ ಸೆಪ್ಟೆಂಬರ್ ರಜ ಕಳಿಯಕ್ಕೆ ಅಂತ ಶ್ರೀ ರಂಗ ಪಟ್ಟಣಕ್ಕೆ ಹೋಗಿದ್ವಿ. ಬೆಂಗಳೂರು ಬೆಳಗ್ಗೆ ಬಿಟ್ಟು ಸಾಯಂಕಾಲ ಶ್ರೀ ರಂಗ ಪಟ್ಟಣ ತಲುಪುದ್ವಿ. ಅಲ್ಲಿ ಉಳಿಯಕ್ಕೆ ಬಾಲಾಜಿ ರೆಸಿಡೆನ್ಸಿ ಲಾಡ್ಜಲ್ಲಿದ್ವಿ.ಒಂದು ದಿವ್ಸ ಲಾಡ್ಜಲ್ಲಿದ್ದ ನಾವು ಮಾರನೆ ದಿನ ಬೆಳಿಗ್ಗೆ ಅದೆ ಹೋಟೆಲ್ ನಲ್ಲಿ ತಿಂಡಿ ತಿಂದು ರಂಗನತಿಟ್ಟು ಪಕ್ಷಿ ಧಾಮಕ್ಕೆ ಹೋಗಿದ್ವಿ

ಅದ್ಭುತ ಪಕ್ಷಿಧಾಮ !

ರಂಗನ ತಿಟ್ಟಂತು ತುಂಬ ಚನ್ನಾಗಿತ್ತು.ಅಲ್ಲಿ ನಾವು ದೋಣಿನಲ್ಲಿ ಹೋಗಿದ್ವಿ.
ಅಲ್ಲಿ ಎಷ್ಟು ಥರ ಹಕ್ಕಿ ಇತ್ತು ಅಂದ್ರೆ ಸ್ಪೂನ್ ಬಿಲ್ಲಂತೆ,ಹಾವಕ್ಕಿಯಂತೆ ಎನ್ನು ಎಷ್ಟೊಂದು ಥರ ಹಕ್ಕಿ ಇತ್ತು ಗೊತ್ತ! ಅವೆಲ್ಲ ತುಂಬ ಚನ್ನಾಗಿತ್ತು.ಹಾವಕ್ಕಿಯ ಕತ್ತನ್ನು ನೋಡ್ತಿದ್ರೆ ಹಾವೇ ರೆಕ್ಕೆ ಪುಕ್ಕ ಇಟ್ಕೊಂಡು ಬಂದಿದ್ಯೇನೋ ಅನ್ನುಸ್ತಿತ್ತು.ಇನ್ನು ಸ್ಪೂನ್ ಬಿಲ್ ಮೂತಿಯಂತೂ ಸ್ಪೂನ್ ಥರಾನೆ ಇತ್ತು!!
ರಂಗನಾಥನ ದೇವಸ್ಥಾನ....
ರಂಗನಾಥನ ದೇವಸ್ಥಾನ ತುಂಬಾ ಚೆನ್ನಾಗಿತ್ತು. ಅಲ್ಲಿನ ರಂಗನಾಥನ ವಿಗ್ರಹಾನ ಕಪ್ಪು ಕಲ್ಲಿನಿಂದ ಕೆತ್ತಿದ್ರು. ನಾನು ಮತ್ತೆ ನನ್ನ ಅಣ್ಣ ದೇವಸ್ಥಾನದ ತನಕ ಕುದರೆ ಮೇಲೆ ಕೂತ್ಕೊಂಡು ಹೋಗಿದ್ದು ತುಂಬ ಚೆನ್ನಾಗಿತ್ತು. ದೇವಸ್ಥಾನ ಅಂತೂ ತುಂಬಾ ದೊಡ್ಡದಾಗಿತ್ತು. ಒಟ್ಟಿನಲ್ಲಿ ದೇವಸ್ಥಾನ ಯಾರು ಏನೇ ಹೇಳಿದ್ರು ತುಂಬಾ ಚೆನ್ನಾಗಿತ್ತು!!
ನೀವೂ ನೋಡಿ!!
ಇಷ್ಟೆಲ್ಲಾ ಓದಿದ್ಮೇಲೆ ನಿಮಗೂ ನೋಡ್ಬೇಕು ಅನ್ಸಿದೆ ಅಲ್ವಾ? ಹಾಗಿದ್ರೆ ಮುಂದಿನ ಸತಿ ದಸರ ಹಬ್ಬಕ್ಕೆ ಮೈಸೂರಿಗೆ ಹೋದಾಗ ಇವುಗಳನ್ನು ನೀವೂ ನೋಡ್ಕೊಂಡು ಬನ್ನಿ!!!!






Friday, April 30, 2010

ಇದು ನಾ ರಚಿಸಿದ ಚಿತ್ರ


ಈ ಚಿತ್ರಾನ ನಾನು ಕಂಪ್ಯೂಟರಿನಲ್ಲಿ ಪೇಂಟ್ ಅಪ್ಲಿಕೇಶನ್ ಬಳಸಿ ಮಾಡಿದೆ. ನಮ್ಮ ಶಾಲೇಲಿ ಪೇಂಟ್ ಅನ್ನು ಬಳಸೋದು ಹೇಗೆ ಅಂತಾ ಹೇಳಿಕೊಟ್ಟಿದ್ದಾರೆ. ಚೆನ್ನಾಗಿದೆಯಾ?

Friday, April 9, 2010

ಸಕ್ಕತ್ತಾಗಿತ್ತು ಯಾಣ!


ನಮಗೆ ದೊಡ್ಡ ಪರೀಕ್ಷೆ ಮುಗಿದ ದಿವಸ, ರಜಾ ಬಂದಾಗ ಒಂದು ಪ್ರವಾಸಕ್ಕೆ ಹೋಗಿದ್ದೆ. ಅಪ್ಪ, ಅಮ್ಮ, ಅಣ್ಣ ಮತ್ತು ನಾನು ಲೋಕದೊಳಲು ಅನ್ನೋ ಊರಲ್ಲಿರೋ ದೊಡ್ಡೊಟ್ಟೆ ರಂಗಪ್ಪನ ದೇವಸ್ಥಾನಕ್ಕೆ, ಹರಿಹರದ ಹರಿಹರೇಶ್ವರ ಗುಡಿಗೆ, ಯಲ್ಲಾಪುರಕ್ಕೆ, ಸೋಂದಾಗೆ, ಸಹಸ್ರಲಿಂಗಕ್ಕೆ, ಶಿರಸಿನಲ್ಲಿರೋ ಮಾರಿಕಾಂಬಾ ದೇವಸ್ಥಾನಕ್ಕೆ, ಬನವಾಸಿಗೆ, ಯಾಣಕ್ಕೆ, ವಿಭೂತಿ ಫಾಲ್ಸಿಗೆ, ಗೋಕರ್ಣಕ್ಕೆ, ಮುರ್ಡೇಶ್ವರಕ್ಕೆ, ಇಡಗುಂಜಿಗೆ, ಮರವಂತೆ ಸಮುದ್ರತೀರಕ್ಕೆ ಮತ್ತು ಕೊಲ್ಲೂರಿಗೆ ಹೋಗಿದ್ದೆವು. ಇವೆಲ್ಲಾ ತುಂಬಾ ಚೆನ್ನಾಗಿದ್ದವು.

ಸೂಪರ್ ಯಾಣ!

ಯಾಣಾ ಅಂತೂ ತುಂಬಾ ಚೆನ್ನಾಗಿತ್ತು. ಯಾಣಕ್ಕೆ ಹೋಗೋ ದಾರೀಲಿ ದಟ್ಟವಾದ ಕಾಡಿತ್ತು. ನಡೀತಿದ್ರೆ ತುಂಬಾ ತಂಪಾಗಿತ್ತು. ಯಾಣದ ಕೋಡುಗಲ್ಲುಗಳನ್ನು ನೋಡ್ತಾಯಿದ್ರೆ ನಮ್ಮೇಲೇ ಬೀಳುತ್ತೇನೋ ಅನ್ನುಸ್ತಾ ಇತ್ತು. ಭೈರವೇಶ್ವರ ಶಿಖರದ ತುಂಬಾ ಜೇನುಗೂಡುಗಳೆ ತುಂಬ್ಕೊಂಡಿದ್ವು. ಮೋಹಿನಿ ಶಿಖರ ಒಂದೊಂದು ದಿಕ್ಕಿಂದ ಒಂದೊಂದು ಥರಾ ಕಾಣುತ್ತಂತೆ. ಇದು ಏಳು ದಿಕ್ಕಿಂದ ಏಳು ಥರಾ ಕಾಣುತ್ತಂತೆ. ಕೈನಲ್ಲಿ ಶಿಖರದ ತುದೀನಾ ಹಿಡ್ಕೊಳ್ಳೋಣ ಅನ್ಸೋಹಾಗೆ ಚೂಪಾಗಿತ್ತು ಅದರ ತುದಿ. ನೀವೂ ಯಾಣಕ್ಕೆ ಒಂದು ಸಲಾ ಹೋಗ್ತೀರಾ ಅಲ್ವಾ?

Tuesday, January 26, 2010

ಅವತಾರ್: ಕನ್ನಡದಲ್ಲಿ ಬರಲ್ವಂತೆ! ಛೇ!



ಹೋದ ವಾರ ಅಣ್ಣ,ನಾನು ಅವತಾರ್ ಅನ್ನೋ ಸಿನಿಮಾಗೆ ಹೋಗಿದ್ವಿ. ತುಂಬಾ ಚೆನ್ನಾಗಿತ್ತು. ನೋಡಕ್ಕೇನೋ ಸರಿ, ಆದ್ರೆ ಇದು ಕನ್ನಡದಲ್ಲಿ ಇದ್ದಿದ್ರೆ ಎಷ್ಟು ಚೆನ್ನಾಗಿರೋದು ಅನ್ನುಸ್ತು. ಇಂಥಾ ಸಿನಿಮಾ ಕನ್ನಡದೋರು ಯಾಕೆ ತೆಗೆಯಲ್ಲಾ? ಅಂದೆ ಅಪ್ಪನ್ನ. ಇದುಕ್ಕೆ ೧೫೦೦ ಕೋಟಿ ಬೇಕು ಅದುಕ್ಕೆ ಆಗಲ್ಲಾ ಅಂದ್ರು. ಆದ್ರೆ ಮೊನ್ನೆ ಟಿ.ವೀಲಿ ಇದೇ ಸಿನಿಮಾ ಹಿಂದೀ ಭಾಷೆಯ ಮಾತುಗಳ ಜೊತೆ ಬರ್ತಾ ಇತ್ತು. ಕನ್ನಡದಲ್ಲೂ ಹೀಗೇ ತೆಗೀಬೋದಲ್ಲಾ ಅಂದೆ. ಅಪ್ಪಾ... ನಿಂಗ್ ಗೊತ್ತಾಗಲ್ಲಾ, ಸುಮ್ನಿರು ಅಂದುಬಿಟ್ರು. ನೀವಾದ್ರೂ ಹೇಳಿ. ಯಾಕೆ ಅವತಾರ್ ಸಿನಿಮಾಗೆ ಕನ್ನಡದ ದನಿ ಹಚ್ಚಿ ನಮಗೆ ಅರ್ಥ ಆಗೋ ಹಾಗೆ ಮಾಡಲ್ಲ?