Thursday, May 19, 2011

ಅಂತೂ ಇಂತೂ ರಜ ಬಂತು !!


ಒಂದನೇ ದೊಡ್ಡ ಪರೀಕ್ಷೆ ಮುಗೀತು ಅಂತ ಇದ್ರೆ, ಎರಡನೆಯ ದೊಡ್ಡ ಪರೀಕ್ಷೆ ಶುರುವಾಯ್ತು. ಆ ತಿಂಗಳು ಪರೀಕ್ಷೆ ಬರತ್ತೆ ಅನ್ನೋ ಭಯ ಆದ್ರೆ, ಪರೀಕ್ಷೆ ಮುಗಿದಾದ್ಮೇಲೆ ರಜಾ ಬರತ್ತೆ ಅನ್ನೋ ಖುಷಿ. ಆದರೂ ಪರೀಕ್ಷೇನಾ ಹೇಗೋ ಮುಗಿಸಿದೆ. ರಜಾ ಶುರುವಾಯ್ತು, ಖುಷಿನೂ ಆಯಿತು. ಆದ್ರೆ ಫಲಿತಾಂಶ ಏನು ಬರತ್ತೆ ಅನ್ನೋ ಭಯ ಶುರುವಾಯ್ತು.ಅಂತೂ ಭಯದಿಂದಲೇ ಫಲಿತಾಂಶ ನೋಡಕ್ಕೆ ಹೋದೆ. ಫಲಿತಾಂಶನ ನೋಡಿ ತುಂಬ ಖುಷಿಯಾಯ್ತು. ಯಾಕಂದ್ರೆ ನಾನು ಕ್ಲಾಸಿಗೆ ಮೊದಲನೆಯವನಾಗಿ ಬಂದಿದ್ದೆ. ನಾನು ಕ್ಲಾಸಿಗೆ ಮೊದಲಿಗನಾಗಿ ಬಂದಿದ್ದು ಇದು ೫ನೇ ಬಾರಿ.ಅಂದ್ರು ನಂಗೆ ಭಯ ಆಗ್ತಿದ್ದದ್ದು, ಈ ಬಾರಿ ನಾನು ಕ್ಲಾಸಿಗೆ ಮೊದಲನೆಯವನಾಗಿ ಬರ್ತಿನೋ ಇಲ್ವೋ ಅಂತ. ರಜಾ ಹತ್ತೇದಿನಕ್ಕೆ ಬೇಜಾರಾಗಕ್ಕೆ ಶುರುವಾಯ್ತು. ಹೆಂಗೆ ಕಾಲ ಕಳಿಯೋದು ಅಂತ ಅಂದ್ಕೊತಿದ್ದಾಗ 2ವರ್ಷದಿಂದ ಹೋಗ್ತಿದ್ದ ಕ್ರಿಕೆಟ್ ಕ್ಯಾಂಪ್ ನೆನಪಾಯ್ತು. ಕೊನೆಗೆ ಸೇರ್ಕೊಂಡೆ. ಈಗ್ಲೂ ಹಾಗೆ ಕಾಲ ಕಳಿತಿದ್ದೀನಿ.ಇನ್ನು ಹದಿನೈದು ದಿನಕ್ಕೆ ಸ್ಕೂಲ್ ಶುರುವಾಗುತ್ತೆ ಅಂತ ತುಂಬ ಖುಷಿಯಾಗ್ತಿದೆ.